已經有17年沒有拍港劇的鄧麗欣，在ViuTV新劇《男排女將》擔綱演出，她曾是港青排球隊的成員，2017年更自資組成Loey排球隊，難得劇集以排球為題材，所以當日她得知參與演出時，心情實在有點震撼及感動：「我恨咗好耐，拍一套自己鍾意題材嘅戲，難得喺人生有呢個經驗，我當然會將呢個經歷投入喺戲中。」
今次與MIRROR的成員合作，當年Stephy亦是女子組合Cookies出身，有否回想當年？Stephy說：「其實有好多嘢唔記得，嗰陣好似經歷好多嘢，但其實我哋一齊嘅時間只係一年左右。𠵱家呢個年代嘅人成熟啲，好多嘢都識諗，唔似以前乜都唔識成班人柴娃娃。」Stephy指當年的Cookies才成就現在的自己，因此這個經歷在人生中也是很重要。