【爆相爆片】無綫以往曾多次被市民投訴霸街拍攝，《蘋果》前日收到讀者陳小姐透過「爆相爆片」投訴，指當日中午12時許，無綫新劇《拳王》攝製隊在觀塘駿業街封路，演員蔡潔拍攝時在路中心激動截停車輛，令後行車輛受阻，駕車經過的陳小姐不滿指：「有鐵架，入咗去冇得走，點解要阻住其他道路使用者。」警員到場了解後，劇組繼續拍攝，陳小姐飯後再經過仍見車龍，更聽見街坊怒轟攝製隊：「走啦！」
無綫近年多次拍外景遭投訴，今年4月於大坑浣紗街一帶拍劇集《食腦喪B》外景，就因疑違反四人限聚令，聚集30多人及霸佔附近路面和咪錶停車位，令市民不滿，前日《蘋果》又收到讀者陳小姐透過「爆相爆片」，投訴無綫霸街拍攝阻塞交通。陳小姐指前日中午12時許，無綫新劇《拳王》的攝製隊在觀塘駿業街霸路拍外景，由於另外兩旁位置都泊滿車，唯一的行車線被封，令後行車輛受阻，車隊在後方排長龍，其間有警員到場了解。
該場口有張振朗、朱敏瀚和蔡潔三位演員，講述蔡潔在路中心截停車輛，其間手舞足蹈，情緒激動。攝製隊由中午12時許開始擺機拍攝，現場聚集大批工作人員，並設有高層鐵架放置攝影機，原本只用上路邊的行車線拍攝，但之後霸了馬路中心開工。
讀者陳小姐說：「平時呢段路好塞車，但周六日假期較好，最多都係駿業街燈口位等一、兩分鐘。但今日1點左右，我同朋友揸車經過，等咗差唔多10分鐘郁都唔郁，前面啲車不停響按，最初仲以為有交通意外。」陳小姐後來落車了解，見兩、三名警員上前向劇組查問，她續說：「我有問警察，佢哋話冇申請，處理緊，但見佢哋問咗一陣，五、六分鐘又走咗。」
劇組繼續拍攝，陳小姐飯後再經過，從高處拍攝到的片段見到車龍有八、九架，更聽見有人怒轟：「走啦！」有司機更不停響按，陳小姐對無綫封路十分不滿：「我住附近，知道上星期都封咗偉業街，但當時有申請，因為見到有牌指示，咁自己都識走位兜路。但今次雖然間中有放行啲車，但成個鐵架放喺馬路，入咗去冇得走，真係好激氣，點解你要阻住其他道路使用者？」
下午近5時，《蘋果》到現場了解，見到張振朗和朱敏瀚完成拍攝後一齊離開，被問到被指阻街，張振朗說：「唔知道，我哋喺24座（小巴），唔知發生乜嘢事。」然後二人各自取車離開。《蘋果》亦向警察公共關係科了解，表示未有接獲有關拍攝引起之任何投訴，而警方則在較早前已接獲相關拍攝的通知。
《拳王》由黎耀祥、張振朗、姚子羚、黃子恆、蔡潔及朱敏瀚等主演，黎耀祥飾演過氣泰拳拳王，擁有多間健身連鎖店，他被張振朗誤會害死哥哥，張振朗之後學泰拳並找他報仇。劇中多位演員都需要應付打泰拳場面，所以開拍前都受過訓練。