前阿仙奴領隊雲格近日接受BBC嘅訪問，話好享受睇住世界各地嘅足球比賽，亦好享受見到「同行」輸波：「我睇住其他領隊陷入苦況嘅時候，感到好放鬆，自己就會諗終於輪到你哋啦，我嘅朋友。」雲格仲話睇波之餘亦不忘分析佢哋點解咁樣做？佢哋究竟錯喺邊度？足球最有趣嘅地方係永遠無從預測，你每次睇唔同嘅球賽，結果係唔同嘅。