【本報訊】政府將向高風險或高接觸群組，包括有病徵人士、安老院舍員工及的士司機等推行強制檢測。的士司機權益會創會會長李匡晉表示，的士業界支持強制檢測計劃，因可令顧客對乘搭的士有信心，又歡迎政府推出5,000元津貼，幫補確診司機的生計，但坦言對鼓勵司機檢測作用甚微，「唔係主要誘因，幫唔到檢測」。
李匡晉希望當局可作出配套，例如增設標籤讓顧客知道的士司機最近已經接受檢測，並應在每一個加氣站放設24小時的樣本包派發站，方便早午夜更司機領取，「檢測好簡單，但唔好去到要排隊，咁就好難百分百做到」。他又擔心政府無法令本港感染個案維持低數字，未能解決市民憂慮，並質疑的士司機若需定期檢測，政府是否有足夠資源維持。
的士司機林先生接受《有線新聞》訪問時直指「5,000蚊係冇乜用，畀返多少少慰問金，搵唔到食你點樣醫病呀？」的士司機王先生認為，確診後至少須留院半個月，認為津貼為10,000元較合理，「（政府）搞掂啲疫情，喺個源頭做好啲好過啦」。
至於不在擬議強制檢驗計劃的街市檔販林先生向《有線新聞》指，5,000元津貼鼓勵市民接受檢測的做法是多餘，因5,000元數目不多，確診者卻要被困十多日，「不如話畀人哋聽如果唔檢測，罰5,000（元）仲好啦」。