周一西甲獨腳戲，畢爾包主場迎戰貝迪斯。兩軍今季同屬「海鮮波」，現時同樣位列中游，表現時好時壞，難以捉路，不過今季同樣入得又失得，所以寧取「入球大細」[2.5球]的「大」。（球賽編號：星期一12；now632台明日4:00am直播）
國際賽前一輪的聯賽，畢爾包作客榜尾分子華拉度列，爆冷以1:2輸波，令對方取得今季首場勝仗。畢爾包今季其中一個特點為主客場表現分別極大，最近兩輪主場同樣贏波，而且2場都入到2球，以入球量低的西甲來說已是不俗。一眾主力如蒙尼恩（圖）及伊拿基威廉斯等主力今場均可上陣，但表現過於飄忽下，即使主場出擊亦難捧場。
至於貝迪斯上輪作客以2:5大敗於巴塞隆拿腳下，不過當日一戰貝迪斯積極搶攻，若非下半場少打一人及把握能力欠佳，勝負實屬難料。雖然球隊今季找來名帥比歷連尼執教，但防守差的問題依然未有改善，最近4場作客聯賽每場最少起碼失2球。中場大腦簡拿利斯今仗受傷缺陣，不過1、2號射手基斯甸泰路及東尼沙拿比亞料可待命，攻力有保證，大手交易可期。
文：亨少