巴黎聖日耳門（PSG）上周五喺法甲作客摩納哥，喺基利安麥巴比梅開二度下，半場領先2:0，但下半場走晒樣反輸2:3。25分鐘，麥巴比突破殺入禁區射成1:0。37分鐘，拉芬拿艾簡達拿博到12碼，麥巴比操刀射入，助PSG領前2:0。其後，摩斯堅恩同麥巴比分別有入球但都因為越位在先被判無效，其中三年前由摩納哥轉投PSG嘅麥巴比，滿以為自己喺今仗大演「帽子戲法」，兼射入喺PSG嘅第100球，竟然走向鏡頭前慶祝仲親吻PSG徽章（圖），點知就咁辣着摩納哥班球員嘅鬥心。摩納哥下半場換番法比加斯入場後即時脫胎換骨，結果戲劇性反勝3:2。