39歲的陳明恩於2017年與任職舞蹈員的初戀男友鄭獻（Eddy）結婚，今年5月宣佈有喜，陳明恩早前鑑於父母在澳洲，決定飛往當地生B，老公Eddy亦停工兩個月陪她。
Eddy昨日於社交網貼出囝囝相，原來陳明恩已順利誕下男嬰，他留言：「好多人想知呢個mix嘅BB係乜樣！𠵱家成功透過我哋DNA製造出嚟！暫時目測係啡色髮，深藍眼睛，黃皮膚！手長腳長，非常活躍！辛苦老婆仔。」之後，陳明恩和Eddy再上載一家三口相，並留言：「同大家介紹我哋寶貝鄭源！感恩呢一位3kg（約6.6磅）嘅靚仔BB好健康，一出世就大喊。38周佢決定咗出嚟啦！」《蘋果》昨日致電陳明恩，但至截稿前仍未獲回覆。
