香港武漢肺炎疫情近日再度回升，更連日錄得源頭不明個案且比例上升，但前晚無綫一年一度的台慶夜，一眾藝人嘉賓無論在後台或公眾地方或在台上表演，均沒有做足安全措施佩戴口罩，連透明膠口罩也沒安排。影大合照時，逾200多名藝人更「冇遮冇掩」同台，令人憂慮出現「台慶群組」個案。
眾藝人中，唯獨陳豪前晚時刻保持高度戒備，上台表演後立即戴上口罩，在後台受訪更與現場人士保持距離。昨日陳豪與監製戚其義於銅鑼灣為有份投資的甜品店主持開幕禮，他亦如前晚一樣謹慎，影完大合照後便馬上戴回口罩。問到前晚逾200藝人的「冇罩派對」，陳豪昨日坦言擔心，強調安全第一，惟有自我保護，他說：「我成日講，數字低咗唔代表可以鬆懈，要小心防範，可能以後都會係咁，我哋要改變諗法，要諗吓點樣防範，經濟方面要重新開始建立，噚日嘅安全問題上係有啲擔心，我明白係啲妝嘅問題，所以唔戴，但我覺得可以犧牲少少個樣換來安全好啲，因為唔係一個人嘅事，係有連帶性， 真係唔好掉以輕心。」對於疫市開新舖，陳豪指這是第二間店：「有危先有機，𠵱家好多舖嘅租金都有調整，入市有少少優勢，再開就要睇吓先，唔可以咁心雄，始終投資要小心。」
另外，前晚有份出席台慶的薛家燕，昨日為電影《大運同行》開工時，被問到台慶夜台前全體藝人均無罩現身，家燕姐說：「入廠前通過體溫機，有全面噴過消毒做足安全。」她更指返後台都立刻戴返口罩已確安全。
另外，一身黑衣露膊壓軸的楊千嬅，一連獻唱《少女的祈禱》、《飛女正傳》及《假如讓我說下去》等首本名曲。未知是否因為撐無綫，千嬅再受網民攻擊，不少人留言批評她的唱腔及穿黑衫唱慘情歌祝賀，「一路聽，一路戥佢驚」、「黑麻麻唱慘情歌賀台慶，佢真係公關典範」，但亦有粉絲為她護航，留言︰「唔鍾意可以唔睇」、「唔覺佢走音」、「上TVB冇錢㗎！義務唱仲要被批評，唱功中中間間都OK」。其實千嬅當晚演唱保持水準，不過可能因現身無綫而引起網民反感，再次成為箭靶。
回顧台慶夜當晚，無綫女藝人都悉心打扮，當中，阿姐汪明荃更發揮時尚女王本色，穿上名牌Gucci紫紅色珠片旗袍登場，胸前開窿加上高衩剪裁，造型閃亮又華麗。原來這款晚裝范冰冰上月出席活動時也曾穿過，不過，阿姐減了性感卻凸顯端莊。
