「頭髮係我嘅，唔會影響到你，點解你要放你啲規矩喺我度？」32歲的黃羨晴（Janette）自小便喜愛特色髮型，漂過染過，要數最深愛的，仍是她留足六年的雷鬼頭（dreadlocks）。即使面對他人的批評勸導，她亦不願為了遷就他人的目光而剪去共度六年的長髮。
「除了跳舞，就係整頭髮。」Janette成為雷鬼頭髮型師前是一位舞蹈員，18歲入行，跳舞超過10年。兩年前自覺年紀漸長，身體五勞七傷，深感需要另覓出路，在同事鼓勵下開設Bulletdreads髮型屋。「其中一個同事話喺工廈studio入面可以有一間房分租出去，於是就開咗呢度。」為了成為雷鬼頭髮型師，她去年在台灣弎藍髒辮文化藝術學院上了兩個髮型課程，總共花了$16,000。為了精進自己的技巧，亦前往台灣One Off Salon 跟著名dreadlocks導師Adam拜師學藝，並在台實習半年。
開店初期，Janette雖然努力在專頁上宣傳，但頭半年的生意只有約$7,000，後來透過在台師傅向客人推薦Janette的專頁後，不少台灣人紛紛推薦香港友人到來整dreadlocks，生意才逐漸有了起色。
Dreadlocks文化始於埃及時代，航海時代開始後，長期在船上工作的船員為了保持頭髮乾淨，便先將頭髮拮成一束束，並以蜜糖及泥土封住頭髮，如此便形成了dreadlocks，後來亦成為黑人文化的指標。這個雷鬼頭分為兩種做法，客人可選擇先將頭髮燙為Afro（圓形蓬鬆的髮型），造型時頭髮便直接成型；選擇以自然頭髮造型dreadlocks的話，要有半年至九個月的保養期，待髮型成型。Janette的客人有男有女，髮型屋內備有不同顏色的假辮，客人可隨個人喜好向Janette提出將假辮拮入真髮，所以不同長度的頭髮都可以。
看起來複雜，但set一個dreadlocks卻只需一支拮針，將一小束頭髮加以搓揉，再用拮針將多條髮絲勾在一起。每條dreadlocks需要約3分鐘處理，10條便需超過30分鐘。要完成全頭更需要至少一天。不但髮型師辛苦，坐足一天的客人亦會感到疲倦。「都會有人覺得，肯為咗呢個頭坐足一日24個鐘，是一件十分型的事。」現時Janette一個月平均有五至十單工作，每個髮型收費由$3,500到$7,000不等。
嚮往美國hip hop音樂文化的客人Hansen，當初在Instagram找到Janette的專頁，他亦認為留雷鬼頭型格十足，不經不覺留了兩年多，「我本身都鍾意聽hip hop，我又會做運動，喺美國文化入面，無論你做音樂，定係做運動，好多都有呢個髮型出現，我覺得佢好型，我想整呢個頭好耐啦！」
Janette第一次整dreadlocks是在小五時，當時隨家人到泰國旅行，在家人鼓勵下嘗新，試了一個寶黛麗頭，長大後總感覺心願未了，六年前便決意留一頭完整的dreadlocks。「以真髮做需時半年，我每一日搭巴士就喺度拮頭髮，keep住不停拮。」雖然髮型難以直接用風筒吹乾，為了盡量保持頭髮乾淨，她每個星期仍會用清水和普通洗髮露至少洗一次頭，通常在大白天洗頭，待自然風乾。保養方面，她選用天然物料滋潤頭髮，「用蘋果醋、海鹽、梳打粉，浸個頭五分鐘就搞掂。」
雖然Janette 的父母並未對她的髮型有強烈反對，但仍希望她至少把雷鬼頭剪短，「有時傾偈，佢哋冇叫我拆，但係想我剪短少少，起碼對頭部嘅負擔冇咁大。」生於狹小的香港，每人的一舉一動皆被放大觀之，Janette認為自己的髮型與其他人的漂染髮型無別，對他人的不滿感到不解。「公司可以畀你染到七彩顏色，但係就唔畀你dreadlocks？」走在街上，Janette有時要面對極端的評價，「試過有婆婆走過來說：『好靚啊你把頭髮。』」亦有路人直接在街上批評她的髮型醜陋，許多人視她為怪胎，經過時會特意避開，「你覺得我污糟、奇怪，定係你覺得我係一個壞人？」
早在九十年代dreadlocks文化已引入香港，但今天社會對髮型卻變得獨裁。「而家網絡睇到嘅嘢多咗，留雷鬼頭都唔係好大不了，但反而好多人會話，『唔好整呢啲頭啦。』」面對種種批評，更有人以工作名義為由，希望她剪走dreadlocks以配合辦公室OL的角色，Janette 亦只是輕輕扔下一句：「不用了謝謝！」
Instagram: bulletdreads.hk
採訪：謝芝琳
攝影：尹彥翹、魏沛賢
部份圖片由受訪者提供