現年29歲的SIS樂印姊妹成員駱胤鳴，與拍拖逾五年的男友Kelvin將於下月27日拉埋天窗，昨日駱胤鳴在Ig分享過大禮的相片，指收到花膠、乾瑤柱及首飾等，還留言：「全世界講一次恭喜！」
駱胤鳴原計劃註冊後筵開30席，但近日疫情反覆，擔心影響婚禮細節，她昨日回覆《蘋果》時說：「我哋原定12月27號由出門直落到晚宴，但疫情太反覆，所以都好頭痕，酒店出門嗰part又怕staycation群組，我哋都要跟政府嘅政策去計劃，目前已經有齊plan ABC，連最worst case都預計好，cut得嘅都cut咗先，簡簡單單，希望到時候低調而健康咁完事。」