亞冠盃終於開番，周中兩支強國隊都贏波，包括我嘅心水FC上海，因為中超啱啱先踢完，都可以話畀大家聽，亞冠盃狀態等於一切！再睇埋周中日職，幾支將出戰亞冠盃嘅球隊要嗱嗱聲趕埋賽期，神戶勝利船就真係幾令人失望，落飛又輸，回飛又輸，不論強陣弱陣都唔識入波，咁嘅狀態去到亞冠真係幾悲，小心捧佢哋就真係搭沉船。
嚟緊周末我國又有兩支強而有力嘅球隊出場，購物隊（FC廣州）同國家安全隊（FC北京），花名嚟啫，大家開心吓，不過呢兩隊決心都唔少，值得力捧。
先講國安隊，首先利申小弟講足全季韓職，自問都非常了解韓仔情況，首爾嘅外援質素，本士賽事真係算唔錯，但去到亞冠，就真係早啲返去瞓，國安隊本土（圖中）及外援喺中超算數一數二，連拿度奧古士圖、阿倫、張玉寧，個個響晒朵，點計都計贏首爾，仲要韓職都完咗一段時間，首爾跌落護級區，越踢越沉，別無懸念，入球「大」加國安W，兩注齊發，唔錯嘅商機。
星期日另一場就絕對唔好浪費，點解叫FC廣州做購物隊，因為佢哋買球星好似我哋去超市買日常用品咁簡單，今年中超冠軍佢哋就攞唔到，輸畀另一支豪門蘇寧，所以亞冠盃係佢哋唯一目標，對住水原藍翼，對手冇攻力、零防守，全季表現極唔平穩，教練都換埋，𠵱家要踢亞冠，真係未夠班，有得投資就快手，手快有手慢冇，都係廣州W加「大」。
文：黃耀富
截稿前馬會尚未開盤，盤口僅供參考，讀者記得留意足智彩網頁。