美股3萬大關前回氣，銀行、石油、貴金屬、航空等傳統股回調，近日在小弟inbox狂呻無位上車的戰友，機會來了。當然，接下來問題是：回幾多先買？可唔可以再回深一點？連回幾日之後又會問：係咪見頂了？跌到驚唔敢買。結果問完一大輪都係空手而回，相當有趣。
維珍銀河（SPCE）原定本月19至23日試飛，但上周末突然宣佈，因疫情要無限期押後試飛，消息拖累SPCE周一急挫一成；當日魏力就趁恐慌，在20美元落第二注，皆因押後不等於停飛，故憧憬仍在。公司目前現金足以「零收入」燒三年，而目前預期2022年就會有錢回籠。及至周三，SPCE已升穿押後試飛消息前水平，高見23.69美元。破位跟衝好多人都識，但中伏機會越來越高；至於反其道而行趁跌買，就需要邏輯思考及冷靜頭腦，技術含量要高很多。
資金轉為炒股不炒市，跟國策流去汽車、家電、餐飲股搵食，促進汽車消費、以舊換新呢類政策；較受惠應是4S股，個人仍是最鍾意走勢又穩又靚的中升（881），其他如美東（1268）、永達（3669）股價波動好多，適合炒多過坐。
筆者為證監會持牌人，持SPCE及中升財務權益。
魏力