今屆金馬獎最受港人注目的，莫過於林家棟、太保主演的《手捲煙》共獲七項提名，包括最佳劇情長片、最佳男主角、最佳新導演等，而該片更被選為金馬影展的閉幕電影。首度入圍金馬最佳男主角的林家棟早前出席活動時接受《蘋果》訪問，他表示︰「我成日提名都食白果，都慣咗，反而我覺得係一個好好鼓勵。好似導演話我哋一定得，我就話冷靜啲，呢個世界冇必然，有提名已經係好嘅獎賞，攞唔攞到已經係次要。」
同場的太保在《無聲》及《手捲煙》都有份演出，他揚言看好兩齣電影會有好成績：「兩部戲都應該會攞獎，台灣嘅《無聲》票房都應該幾好，《手捲煙》喺香港同台灣金馬獎都有好多聲音，呢類戲喺台灣會少啲。我睇好家楝，一定幫佢打氣。」
此外，導演陳健朗早前接受《蘋果》訪問，對於金馬獎近年被內地打壓，問到可有擔心日後發展？陳健朗說︰「我覺得金馬係華語電影指標，加上因疫情令金像獎停辦，港片總算有個分享同交流嘅地方。」《手捲煙》在疫情下開拍，他坦言辛苦︰「在我心底點樣定義香港電影，就係逆境自強、破繭而出，係港產片嘅味道。」
撰文︰羅婉玲、張明
攝影︰沈健程
