隔牆有耳：不滿周庭「代言」兼「趕絕」華為　藍絲杯葛Donki　網民暗爽︰唔使逼（李八方）

隔牆有耳：不滿周庭「代言」兼「趕絕」華為　
藍絲杯葛Donki　網民暗爽︰唔使逼（李八方）

近排藍絲成日出招，話要對付黃絲，不過藍絲盲目跟風向係常態，所以連打黃圈都會變為業餘，好似最近周庭喺YouTube翻唱日本百貨公司Donki（驚安之殿堂 ）主題曲，藍絲未搞清楚就號召杯葛Donki。但好多網民暗爽，話少啲人去唔使咁逼！

日前周庭喺YouTube上載咗翻唱Don Don Donki驚安之殿堂嘅日文同廣東話主題曲，仲去咗Donki取景拍自製MV，周庭已寫明唔係廣告，但都有藍絲喺微信群組瘋傳，話Donki請咗周庭做代言人，揚言杯葛。藍絲KOL李梓敬仲神奇，夾硬話Donki市場或者公關部門私下請周庭翻唱，因為驚影響中國市場。

■藍絲群組話華為手機下載唔到Donki App，結果又話杯葛。

DONKI和YUU的主題曲大洗市民腦，心理學家指節奏較快、歌詞較淺白簡單、有節奏感、中間有停頓及起伏位的歌更容易洗腦。

冇晒中國客 日本盈利照創新高

最近藍絲又有人發帖，話華為手機下載唔到Donki App，結果又話杯葛，有網民解釋，話華為手機冇Google Play，咁點下載呢？

其實不論周庭唱Donki主題曲定冇得下載Donki App，藍絲硬要老屈Donki，堅持抵制、直至道歉為止。但Donki其實唔使靠中國市場同中國遊客，母公司剛公佈業績，日本冇晒中國客，Donki嘅盈利都創新高，有網民仲叫藍絲找數，一定要杯葛Donki ，少啲人去唔使咁逼！

李八方