【本報訊】港大機械工程系副教授張祺忠上周出庭，親述用電線勒殺妻子經過，昨繼續作供講述藏屍過程。張稱屍體原藏於行李箱放在宿舍，估計警方很快找到，故自製木箱把行李箱運到辦公室。辯方問為何選擇辦公室，張顯得激動難耐，嚎哭解釋：「因為我唔想揼咗佢……我唔想揼咗佢落海，或者揼咗佢喺垃圾站……」張稱在收押所一直回想，「如果我搵拖鞋嗰陣時，如果我攞到拖鞋，而唔係攞咗條電線嘅話，事情就唔會發生㗎喇……」
張祺忠（56歲）承認前年8月17日凌晨，在港大偉倫堂1601室睡房殺死妻子陳慧文，辯方稱是誤殺。張上周供稱，事發後用兒子房間外的藍色行李箱藏屍，放回原位，他昨透露曾把屍體轉換到三個位置。
17日早上，張為免被人發現妻子死了，故向妻子胞妹說「你家姐好似出咗街」。他駕車載兒子上班後回家，把屍體換到客廳另一個綠色行李箱，放在少人踏足的露台，「等啲人唔好話隨意拎走個篋，或者打開個篋睇」。
辯方大狀問張祺忠有何計劃，張說其實沒有，見步行步。翌日他買木板，製木箱收藏行李箱，「因為夏天嚟，好快個屍體就會發出異味，所以打算用木板做個箱。」
證供提到，死者胞妹發現死者常穿的鞋放在屋門外，後來不翼而飛。張昨承認在8月20日把鞋丟棄，製造妻子離家旅行假象。同日晚上報警前，他把木箱搬到住所外的升降機大堂存放。
張續說，21日很多警察到偉倫堂調查，「我知道好快就會喺16樓嘅大堂搵到個箱，所以22號上晝我就想搬走佢」。辯方問為何選擇搬到辦公室，張顯得激動，答：「因為我唔想揼咗佢......我唔想揼咗佢落海，或者揼咗佢喺垃圾站......」身旁懲教員為他遞上紙巾。
22日張搬木箱時在停車場遇上警察，張稱相信警方很快會查問木箱下落，故翌日再買木板，製造第二個箱再拆解，待警察查問時便稱已拆掉。他自知閉路電視拍下搬木箱，「咁好快都畀人知道，我就諗過得一日得一日」。
張同意大狀形容事後活於謊言中，自言十分辛苦，「因為啲仔女同埋我姨仔係不停想搵返Tina（死者），我又要扮同佢一齊搵，咁我又扮唔到好焦急嗰個神態」。張坦言：「我係想逃避，但係當然亦都背棄咗佢哋嘅信任，覺得好羞恥。」
警方8月28日在張的辦公室發現藏屍，對於警員指有很大臭味，張昨說：「我自己唔係好覺。」上周張憶述殺人過程，稱被妻子責罵和踢落床後，本想拿拖鞋離開睡房，卻在床下底摸到電線，便拿去勒妻子。張昨哽咽稱在收押所一直回想，「如果我搵拖鞋嗰時，如果我攞到拖鞋，而唔係攞咗條電線嘅話，事情就唔會發生㗎喇……」審訊今續。
案件編號：HCCC292/19