【本報訊】民主派立法會議員總辭後，外界質疑只餘建制派的立會將淪為人大式橡皮圖章，只會與政府同聲同氣。全國人大常委譚耀宗強烈否認橡皮圖章之說，反指民主派過去「係嘢都反對」、癱瘓政府，又將政府施政欠佳責任推向公務員，指公務員以「呢樣嗰樣」藉口不肯落實局長政策。有學者指譚說法旨在為政府、建制派推卸責任，為施政失誤找代罪羔羊，「總之所有唔係佢嘅人，都要變成係敵人」。
全國人大常委譚耀宗昨出席電台節目，重申特區處理不到延任議員資格問題，人大常委會才出手，強調人大有權，「按照憲法有好大嘅權」，他又為人大常委會頻頻出手解畫，指僅在特區無法處理問題上作處理，「中央未必有權用盡」。他又稱，民主派總辭後，相信不會再出現多次點算法定人數等情況，認為建制派議員應與政府在餘下任期先處理抗疫、恢復經濟、解決失業等問題。
譚在節目後被傳媒問到，立會會否淪為橡皮圖章，他聞言即激動說：「我好反對咩人大咩橡皮圖章，呢啲問題係錯誤！」批評有議員「係嘢都反對」，指不應因他們以爭取民主為名，「就認為呢啲人非常偉大」，又引用港澳辦和中聯辦聲明，批評民主派總辭是「鬧辭」，挑戰中央決定。
他又藉機向公務員施壓，指問責官員推動工作，背後公務員應配合，「我常常聽就算特首想做，問責官員想，背後班公務員好多理由，又話做唔到、唔夠時間呢樣嗰樣」，又指早前內地派員協助香港檢疫，批評反對人士提出陰謀論，令港府不敢強制全民檢測，稱政府及議員都要「諗一諗，係咪要堅決啲」，否則一日未能通關，經濟難以恢復。
香港民意研究所副行政總裁鍾劍華反駁譚說法，指公務員只是跟從政策行事，並非政策制訂者，「如果佢哋係一早刻意，牴觸唔肯做對抗，點會過到關」，質疑譚推卸責任可信性，「佢哋（解制派）好多時都係靠估囉，但總之所有唔係佢嘅人，都要變成係敵人，老師係咁，傳媒係咁，覺得自己可以指點江山，但施政困難都係不斷搵藉口」。
他又指，早在民主派總辭前，立會已被建制派主導，更改議規後，民主派已難阻施政，「全民測毒冇人阻到你，做咗仲延長，結果係點？」直言核心問題是政府沒號召力，才令民間以至整個社會都對抗。至於未來立會內的建制派是否會「扮」反對，鍾斷言建制「一定會整色整水扮反對」，只要安全系數足夠高，政府議案可以夠票通過，甚至有建制派投反對票亦不出奇，「到時我哋咪要踢爆佢囉，但今日個社會，大部份人都睇得穿建制派。」