話說基本法委員會副主任譚惠珠出席電視節目被問到DQ立會議員有冇違反程序公義，佢即刻話「12名官員」（應為11個）被美國制裁，「對呢12個官員都係冇程序公義，事前完全冇警告，如果佢哋有家人喺美國，咁咪都唔可以去探佢哋屋企人！」
聽譚惠珠咁講，又似乎有佢嘅道理喎！不過，成日提醒愛國愛港人士唔好只得把口愛國嘅之鋒，今次又突破盲腸！佢喺其fb專頁轉貼譚惠珠有關言論嘅報道，之後加多句反問譚 ：「咁愛中國，點解屋企人要喺美國？」之鋒咁問又啱喎，今天中國有錢又有機會，又有經濟雙循環又有大灣區，作為愛國愛港人士，點解仲會有屋企人喺美國？唔叫佢哋返祖國共享繁榮呢？
李八方