今夏由皇家馬德里以借將身份回歸熱刺嘅加里夫巴利，重返英超後狀態有回暖迹象。據西班牙《阿斯報》講，家陣皇馬正留意緊巴利狀態，話呢支西甲豪門已做好出售巴利嘅準備，但前提係巴利喺英超翻生。據指皇馬正重組球會薪酬支出，準備引入巴黎聖日耳門前鋒基利安麥巴比、雷恩中場卡馬雲加同多蒙特前鋒艾寧夏蘭特。假如巴利成功離隊，皇馬可以慳番大約3,000萬歐元（約2.7億港元）支出。皇馬對巴利有三個解決方法，最理想係巴利喺熱刺表現出色，然後有球會願意喺出年夏天簽入巴利、其次就係熱刺願意再續租巴利一年，同時全數承擔巴利3,000萬歐元薪金。最後就係回歸皇馬踢完最後一年先離隊。