錶霸橫行，令不少車主遭殃！ 有車主幫襯錶霸慘被抄牌，結果要自己「硬食」牛肉乾；亦有車主「唔知碇」拿開雪糕筒照泊錶位，最後愛驅竟「被消失」。
車主儲先生自言是油尖旺區泊車常客，但從不光顧「錶霸」，因為聽聞不少朋友有慘痛經歷。幾年前好友因工作關係，每日需在尖沙嘴區泊車，貪方便遂光顧錶霸，日租150元。惟錶霸賺到盡經常不入錶，有次好友車輛因此被警察抄牌，錶霸卻拒絕承擔罰款，「朋友同佢理論，但對方兇神惡煞話，唔畀就唔畀。」結果朋友最終息事寧人「硬食」牛肉乾。
另一次發生於數年前，儲先生的友人在佐敦一帶與朋友飯敍，見餐廳外有空出錶位，遂移開雪糕筒泊車，沒想到飯後愛驅不翼而飛，「（對方話）你攞三皮嘢嚟贖返架車！」儲先生指買一輛日本車只需幾萬元，錶霸開天索價猶如吸血鬼。他認為車主們不應光顧錶霸，以免助長歪風，令他們長做長有。
對於車位嚴重不足問題，香港汽車會會長李耀培亦指問題一直未解決，造就到處出現錶霸，更是公開的秘密，他曾有相同遭遇：「好多年前，我唔係好熟呢頭（佐敦），見有錶位諗住擺，突然有人過來問我係咪食飯，話之後有人泊，我被迫要走，呢個當然唔係一個咁好嘅經驗啦！」
雖然附近亦有停車場，但李耀培稱油尖旺車場經常爆棚，油麻地政府多層停車場已開始分階段停用，未來區內將少了700個泊位。他駕車帶同記者往油尖旺區視察：「𠵱家未拆（油麻地停車場），違泊都已經咁嚴重，道路3線變2線、1線，第日真係拆咗，成個區會淪陷！」他促請政府發展智能停車場，以飛氈式泊車來增加車位數量，將私家車與車位比例由目前1比1.07，增至外國標準的1比1.5。