朱千雪新紮大律師忙爆　老公等食飯

已為人妻的前港姐朱千雪，攻讀城市大學法律系博士，今年畢業再完成三個月實習期後，正式成為執業大律師。投身law界後，千雪生活較拍劇規律，但工作依然忙爆，日前《蘋果》見她在金鐘寫字樓出現，紮上馬尾及穿上黑色行政套裝的她，拿着大叠文件搭電梯上上落落，工作至晚上8時半才收工，相當勤力。當晚千雪離開律師樓時顯得行色匆匆，快步走向對面馬路，原來醫生老公早已在車上等她，見老婆出現，老公即快手將車駛前，等千雪行少幾步，估計夫婦倆結伴去撐枱腳。

數日後，《蘋果》再見到千雪跟三位同事放工後一齊離開金鐘辦公室，今次千雪做司機接載同事到大坑道，並到附近一棟住宅，相信是齊齊到同事家吃晚飯，個多小時後，她獨自離開返家交人。