【本報訊】過往12年，每年香港舉辦同志遊行，街頭上都會出現盛裝打扮的參加者，惟今年警方以防疫為由，首次向主辦單位發出反對通知書，禁止原定昨日舉辦的公眾遊行與集會。主辦單位改為網上集會，主題為「同存此地 驕傲而飛」。今年17區區議會首次通過成為遊行的支持機構，亦有20多位區議員出席集會。
大會發言人岑子杰表示，對於同志遊行2020未能獲警方發出不反對通知書感到可惜，「首年冇辦法喺陽光底下、喺街頭舉辦同志遊行」。
岑子杰表示，遊行集會對同志很重要，「畢竟唔係每一個人都可以出櫃，但同志遊行就係可以畀我哋喺街頭、喺陽光底下用性小眾身份、或支持性小眾嘅身份，走出嚟話畀世界知香港人係接納同性戀，要求多元共融，反對歧視」。
藝人徐智勇（小肥）及民間人權陣線召集人陳皓桓出任今年彩虹大使，小肥今年在一個訪談節目中以輕鬆方式承認同志身份，他昨日在網上集會中說：「原來唔係退一步海闊天空，而係行前一步先海闊天空」，過往聽到別人攻擊或對同志有誤解時會卻步，「𠵱家完全唔會驚」。
網上集會有公眾人物及團體表演、玩遊戲，亦有20多名區議員出席參與遊戲環節「彩虹區戰」。南區區議員袁嘉蔚過往數年都有參與同志遊行，對於今年無法在街頭遊行集會，她認為反映政府極度害怕香港人，「連同志遊行佢都要懼怕嘅時候，另一方面都係打壓緊同志平權」。