可立小學家長斥「搵人祭旗」

【本報訊】嗇色園主辦可立小學常識科教師遭教育局「釘牌」，有該校家長認為當局懲處過於嚴重，又質疑教局想藉事件「搵人祭旗」製造白色恐怖，憂慮再有老師被打壓；有家長亦質疑教學內容涉及中國歷史，認為釘牌決定是受中央壓力指示。

「改過機會都唔俾人」

大批傳媒昨早7時許在可立校門外採訪，校方多次阻擋記者採訪並拒絕回應，又安排老師到學校附近街口攔截，不讓學生接受訪問。有校工一度阻礙記者採訪工作，大叫「你哋傳媒大晒呀？」家長劉太認為，教育局處分嚴重，且校方已更正鴉片戰爭教學內容，「我知校方內部處分咗，唔需要釘牌咁嚴重，難聽啲講句好似想搵人祭旗，叫其他學校小心啲教書。」她擔心事件影響校內其他老師，「好似要更加步步為營、步步驚心去教」。

立場新聞亦引述家長陸太指，有其他家長在WhatsApp群組發佈涉事教師大頭照，陸太批評他們侵犯私隱。她說，學校曾發出校內通告就事件致道歉及澄清，涉事老師亦已糾正片段內容，認為校方做法「都算好好」，以為事件已經完結，惟當局最終取消涉事教師註冊，她批評局方懲罰過重。陸太受訪期間眼泛淚光，「好嬲同好唔開心，老師都係人，學習期間唔係話個個人都一定啱晒」，又說「唔明點解香港𠵱家變成咁，連少少改過嘅機會都唔俾人」。

陸太質疑事件因涉及中國歷史，教局或受中央壓力指示將教師「釘牌」，斥當局做法將政治帶入校園，「（若老師）講每一句關於政府、中央嘅不是（就釘牌），已經係冇咗言論自由」。