「（正行）收入冇咗一半以上！」武漢肺炎下，百業蕭條，尖沙嘴新義安的酒吧及夜場生意大受影響，旗下夜場大都結業，但「蛇有蛇路，鼠有鼠路」，為搵錢他們各出奇謀，有人將夜場變私竇式「電音房」，以避過限聚令監管；有人開賭、賣私煙；屯門新義安早前更「行舊路」，在新墟街市勒索檔販及貨車司機，收取保護費被捕。
有知情人士指，尖沙嘴新義安人馬眼見夜場生意受限聚令影響，竟在區內商業大廈大搞私竇式「電音房」，將一個單位分成多個房間，再配以豪華裝修、迷幻燈光、強勁電子音樂作招徠，成功吸引不良嗜好客人，在房內投入忘我「take嘢」。
另一名活躍油尖區的新義安成員魚仔一直涉足外圍波，更將賭波網上化，以網上投注吸客，務求令賭客足不出戶亦可大賭特賭，除足球外，更加入百家樂、輪盤及十三張等，迎合不同人士。
至於新界北新義安則主打風險較低，利潤不俗的私煙生意，煙種除常見越南煙，更加入韓國煙，他們指：「成個櫃運過嚟，再搵啲細嘅出去派貨，風險又唔高」。
另外，也有人選擇走「回頭路」，上月新義安藍地話事人肥傑門生「排骨」，涉勒索屯門新墟街市兩個檔販及貨車司機，要求每人每月上繳10,000元保護費被捕。對上一次有人在這街市「收陀地」已是八年前，有幫會人馬形容陀地「冇得撈」，「做開代客泊車，𠵱家都冇得撈，咪諗到搞運菜車囉！」