【拆局】今次人大常委出手DQ民主派四名立法會議員，觸發泛民議員總辭，有民主派中人指，今次北京決定不單是針對郭榮鏗等四人，而是要全面將民主派趕出議會，即使民主派議員不總辭，日後也勢必被逐個「搣走」，他更相信日後立法會將難再有民主黨、公民黨、工黨等生存空間，「或者日後只有馮檢基、黃成智呢類嘅『民主派』」。
該民主派人士稱，不認為今次人大常委決定，只是針對四名參選立會被DQ的民主派立法會議員，「真正目標係藉此整個機制，日後可以DQ其他民主派」，有關安排明顯為將來的立法會做「準備」，「參選有選舉主任DQ嘅第一關，就算畀你入到閘當選埋，一入立法會就要宣誓，一喺議會拉布抗爭，政府就用人大常委決定DQ你個議席」。
他預期即使明年有立法會選舉，不只一班年輕素人會被DQ參選，「民主黨、公民黨、工黨參選人都會被DQ，分別只係參選時被DQ，定入咗議會被DQ」。
不過他相信北京仍會讓「聽話」的「民主派」入立會，「到時咪畀十個八個好似馮檢基、黃成智呢類嘅『民主派』入去做吓花瓶」。