除了篤灰熱線開通，中共此時放風DQ泛民四位議員，是攞侵侵落馬的景？世紀點票仍要等埋郵寄這部份的美國總統交接「空槍期」，還會發生乜事？
一，日日上訴，已經轉晒中資銀行做按揭的「上訴司」，係唔驚你制裁嘅。每單針對年輕抗爭者的官司都提上訴，有權用盡，使凸公帑（老奉嘅，唔使借孖展），侵侵想做上訴王？有姓鄭的老娘在，有排未輪到他。
二，大家都是7字頭，但777眼中只有習大大，唔會放兩個「旗鼓相當」的七旬老翁在眼內。串她「唔該講人話」那個電台，加快被整，淪為黨台。黨委做腦細，朝朝播國歌。嚇一跳嗎？不，DJ隨國歌扭海鮮、跳老舞，自嗨過哨牙珍。
三，博大霧再下一城，宣佈參加BNO 5+1計劃的香港人，只要明年一離境，會永久喪失香港居民身份。
四，釘老師牌、對醫護秋後算賬、炒公僕、抄傳媒家。文革3.0啟動，重點招呼幾間大學，校長等住跪玻璃、剪陰陽頭（愛金毛造型的侵侵，驚未！）到時，段爺被工×會郭×強拉扯衣領躀低拖行的模樣，成為環球時報頭條，配上榜題：Just beat him! Fight him! Whatever!