【本報訊】人大常委今次出手DQ四位立法會議員，雖然有關宣誓決定似不包括區議會，但多名民主、本土派區議員直言，中共政權一定不會就此收手，他們已有心理準備成下一個開刀目標，一切只是時間問題，根本無從擔心。
元朗區議員張秀賢認為，沒有人知道北京DQ紅線放在哪裏，「個龍門任搬，佢話點就點，佢係皇法，根本係冇得估。我自己隨時有落馬嘅準備」。所有民主派區議員應由上任第一日起，便做好被DQ的心理準備，勿心存僥倖，但他會繼續「講啱嘅野，對得住自己、選民同成場運動，同埋歷史」。
曾被DQ立會參選資格的荃灣區議員岑敖暉相信，「我認為呢件事（DQ區議員）幾大機會發生」，從人大常委會決定來看，根本「佢哋想做乜都得」，作為區議員只能盡忠職守，「冇乜嘢可以擔心，始終我哋有責任做落去」。估計下屆區議會難重演今屆由民主派主導局面，因當局勢必大規模DQ民主派參選人。
灣仔區議員梁柏堅認為，區議員成為下一個DQ目標「唔出奇」，「連下年仲有冇區議會都唔知」，今次DQ只是讓大家面對現實，議會戰線早在2016年宣誓風波後已封閉，又認為民主派在體制內空間是零，「立法會呢條路一早封閉咗，而區議員實際上只係諮詢架構下嘅組織，冇行政權力，個角色只係去協調吓可唔可以做呢樣嗰樣」。他當初參選是希望至少在民生議題如實向政府反映市民所需，如今DQ事件清晰令大家明白，政府不會聆聽任何民意，他亦有決心在需要時總辭。「我哋係弱勢，係要心存希望，不過議會、體制內就唔使心存希望」。民政事務局長徐英偉不評論政府會否DQ區議員，又說修例工作是由政制及內地事務局負責。