香港人對美國選舉上晒頭𥄫實點票，政府就博大霧低調推出篤灰熱線，本月五日已經生效。條熱線唔係馬甲線，一點都唔黐，大家要認真對應。
一，有人冒認侵侵律師團，請你回覆熱線，上報護照號碼，應承幫你爭取庇護。篤灰熱線，點會益你，如果收到這種來電，而你又相信的話，叫他打給689與PK，因為佢兩位極需要被「保送」去美國。
二，篤灰熱線，唔忿氣的侵侵可能照抄，日日篤拜登篤到手痛。如果你是侵粉，自薦替他篤，跨國篤，篤勻全中國，逐篤計數，幫侵侵報仇，心都涼晒。
三，佢有篤灰熱線，你有割席平台，搞分化，唔一定藍屍專利。年輕人已經絕望到化作飛灰，年宵市場冇魚蛋可以篤了，一於玩和佢篤，升呢做篤一坨。
四，良知各有各，篤灰真人騷，香港電台唔使查冊，拍一輯灰爆的「林鄭氏這一家」的話，拎硬人權大獎。
五，篤灰之星，唔使審，榜首一定係周身蟻的馬雲，害得散戶好慘嘛。（侵侵有冇送美國護照畀馬雲？）