1989年六四、1997年主權移交後，香港都曾出現移民潮，今年國安法來臨，港人再次出走，黃耀明好友林夕近年移居台灣，羅冠聰則要流亡英國。明哥說：「好愛香港嘅人，要走係好慘，喺反修例前，我諗過我遲啲唔係好活躍工作時，要唔要喺香港生活？但反修例運動後，我唔到最後一步唔想走，希望撐到幾耐得幾耐。」
不過「最後一步」會是甚麼時侯？明哥說：「唔知，係咪要坐監就要走？唔知㗎！係咪坐一個星期監就唔走？一個月就走？唔敢應承自己或大家，我都會驚。大家唔好送頭，大家要鬥落去，要再有智慧啲。」
就算再不關心政治的香港人，去年也避不開新聞，很多人情緒難平，心有鬱結。明哥也慨嘆，加上疫情衍生出來的限聚令，使港人不能上街表達訴求，他指惟有靠音樂發洩：「繼續唱歌、寫歌，中間有幾次開fb live，無論香港人或者我嘅歌迷，都想有一啲渠道，抒發佢哋嘅鬱結、苦悶。」