【本報訊】武漢肺炎令本港經濟雪上加霜，但兩電憑《利潤管制協議》仍能賺取8%准許利潤。香港中小企食店聯盟召集人、616牛肉火鍋專門店東主林瑞華指，兩電應與市民共度時艱，「如果咁嘅時勢仲反民意去加電費，真係不能接受。全世界都咁嚴峻，我諗唔到有咩理據加價，政府係咪有責任同兩電講呢？唔會有一個加幅係可以接受。」
林瑞華指，電費佔火鍋店開支約5至10%，冷氣及電磁爐耗電量最大。他指，政府今年向非住宅用戶補貼應繳電費75%，上限為5,000元，故電費佔開支成本減至約2至3%。他擔心電費補貼結束後疫情仍未穩定，屆時營運成本勢會必上升，「又唔會話係非常嚴重嘅負擔，但喺蝕錢嘅情況下，每蝕多一蚊都係好嚴重嘅事，喺咁嚴峻環境下都會希望慳得一蚊得一蚊。」
按兩電原本在五年發展計劃預測，明年或會加電價8.9%，林指該幅度是「不近人情」及「離地」。他指，在目前慘淡的環境之下，若兩電於明年加電費，勢必加重商戶及市民負擔。對於有消息指中電傾向凍結電費加幅，港燈則正研究凍結電費，或加電費百分之一或二，林認為兩電應三思是否要加電費，「係咪真係要去加呢？定係願意同香港人一齊共度時艱呢？希望兩電可以去深思熟慮」。