現年83歲的資深演員余慕蓮，日前傳因肺纖維化，突然要在伊利沙伯醫院ICU留醫，《蘋果》記者前晚致電余慕蓮手機，女護士接聽直指她「插晒喉」未能說話。余慕蓮近年多次傳出身體出現問題，上月31日入院檢查，因為嚴重貧血要換血，並進行手術，日前由普通病房轉入ICU，前晚因氣管出現問題要插喉管。
早前患上耳石移位的余慕蓮（余毛），今年7月才度過83歲生日，但8月即因咳嗽不適入院留醫，醫生診斷她是肺纖維化，最終留院八日才回家，之後余慕蓮足不出戶，在家靜心休養。不過前晚又傳出她在伊利沙伯醫院的ICU留醫，《蘋果》記者致電余慕蓮手機，有女護士代接電話指她要插喉。她說：「佢𠵱家插晒喉啦，你叫屋企人唔使打嚟啦。」說罷匆匆掛線。其後記者再向余慕蓮好友了解，確實入院一事：「佢係入咗ICU，但因為唔畀探，所以都唔係好清楚究竟因為乜嘢事入咗去。」
據悉余慕蓮上月28日曾與林建明（大姐明）等友人食泰菜，當晚飯局她還表現得十分精靈和精神，由於余慕蓮近年有耳石問題，所以早前她到醫院做身體檢查，醫生發現她身體出現問題，於是上月31日入了伊利沙伯醫院作詳細檢查及進行治療，據知余慕蓮入院後因為嚴重貧血要換血，及進行了一項小手術，手術順利完成。日前她由普通病房轉入ICU，前晚余慕蓮因氣管出現問題，所以要插喉管，目前仍在觀察中，雖然余慕蓮於香港沒有親人，但據知身邊有契仔、女性好友及印傭共三人貼身照顧，之前做手術就是在朋友及契仔見證下簽字。《蘋果》記者昨日向大姐明了解，她表示：「我之前有同佢傾電話，知佢入咗醫院，我𠵱家都搵唔到佢，不過應該冇乜事，可能年紀大免疫力比較低。」
余慕蓮好友、時裝設計師鄧達智，曾經兩度邀請余慕蓮任模特兒行騷，因合作成朋友，他昨日短訊回覆《蘋果》時表示不太清楚其病因，又說：「佢𠵱家喺ICU插喉，我當然擔心，任何人都唔可以探望，電話都打唔到。」鄧達智表示大約兩周前有到過旺角探望余慕蓮，至上周三亦曾通電話，其時余慕蓮已在ICU，還稱待換完血出返大房，醫生又批准她見朋友的話，就會相約大家見面，鄧達智說：「佢諗住自己一路行得走得冇事，上年我哋有個醫生好朋友提議搵工人幫佢，同埋又叫佢去驗身，但佢唔鍾意，話自己行得走得，使乜人幫？嗰個醫生係老人科，睇到佢有啲症狀唔正常至叫佢去驗，但佢冇去驗。到今年隔咗成年，醫生之前提醒佢嘅嘢應驗咗，只係佢嫌麻煩。」
余慕蓮契仔黃澤鋒昨在電話中說：「我今朝睇新聞先知契媽個情況，我𠵱家都唔知佢情況點，我兩星期前同佢通過電話，佢話冇乜嘢，唔知噚日究竟發生咗乜嘢事，知道佢工人近日嚟咗。疫情下所有醫院都唔探得，兩周前通電話時佢話想見我囡囡，我話疫情定少少帶囡囡畀佢見。」資深傳媒人汪曼玲昨在社交網為余慕蓮集氣說：「余毛正在ICU，大家齊齊集氣，祈求菩薩保佑，打勝呢場仗，健健康康出院。」
此外，宣萱昨下午5時與經理人現身伊利沙伯醫院，她透露是探望朋友，但並非余慕蓮：「係我嚟到，你（記者）話我知我先知，希望佢冇事啦！」經常與余慕蓮合作的宣萱，覺得對方為人很好很隨和：「之前《餐餐有宋家》有聚會食過飯，但係好耐之前嘅事，今年大家（因疫情）都冇見人。」說罷便與經理人一同離開醫院。
