杜汶澤在出場時以拳手造型現身，下半身穿上美國國旗的boxer，他問現場觀眾見唔見到自己有條線，當觀眾大叫馬甲線及前列腺時，阿澤說：「呢條係香港最流行嘅『國際線』。」又笑言黃之鋒、何韻詩都在裏面。阿澤指自己自細也愛美國，最重要是美國教懂他甚麼是自由及民主。他又問觀眾是否支持侵侵，全場即拍手，阿澤說：「本來可以坐定粒六，但係因為有蕭……若元（右圖），佢話Donald Trump會贏拜登。」隨即唱出由梁栢堅改詞、陳奕迅《大開眼界》的「燒山版」：「不要着燈，能否燒山你摸黑瞓一瞓，如果你，亂燈死侵侵，今次就托X，驚中着拜登，誰都不知我心底有多暗，搖擺嘅，是這麼均等，輸咗變深圳！」
對於美國大選處於膠着狀態，阿澤就叫大家可以放心，因為他相信美國民主制度十分健全，不像香港人冇權選特首，他說：「香港人一定可以投，一係你投咗共，一係你投過胎，下世做美國人，咁就乜都有得你投！」阿澤又提出，國安一定有派人來睇騷，並教大家如何在現場捉鬼，他引用在《無間道》中角色儍強金句，指若發現「有人好專心睇騷，但係冇笑，就係差人」，其時觀眾發現田蕊妮坐在觀眾席即大聲歡呼。