現年72歲、體重近280磅的資深藝人秦煌早前返電視城為劇集宣傳時，不慎跌倒地上，其後經照X光後證實右邊膊頭位骨裂。目前仍然留醫的秦煌，昨日回覆傳媒時說：「有排都未出得院住，要等個傷口埋返，同埋血壓有少少高，可能個傷口痛影響，醫生話留院觀察吓先囉。」有報道指秦煌可繼續用之前手托而毋須再做個新的，他說：「唔使，其實都係用條橡筋托住之嘛。」
入院多日以來，秦煌表示「瞓得麻麻」：「醫院嗰啲都係咁㗎啦，不過仔女佢哋都有帶嘢畀我食，醫院𠵱家唔畀探，佢哋就將啲嘢食放喺出面。」秦煌性格如老頑童周伯通般愛玩，如今留院可會感到悶？秦煌笑說：「咁又唔會喎，我咪同隔籬床嗰啲傾偈囉！」