港人非常關注是次美國總統大選，麥明詩的舊愛林作亦借大選再度在網上惹火頭，前日他在社交網表示打賭特朗普一定得，如拜登贏出，他將在廣東道裸跑。不過昨日他疑見「勢色唔對」，先出post說：「Why so serious？」擺明想縮沙。網民即紛紛留言諷刺他：「你會找數？我哋等得，但有誠信嘅人唔可以言而無信？」林作昨日回應《蘋果》說：「係諗緊點喺唔犯法嘅情況下，完成呢個壯舉啫。」
一向關心政治新聞的袁彌明，連日緊貼大選形勢，除了在社交網站轉貼有關新聞，並不停作出分析。袁彌明支持的特朗普點票落後時，她肉緊地留言着支持者冷靜：「唔好咁快話舞弊呀！裁決未有結果前可以make猜測，但絕對無需要一口咬定。」並指出：「州規定遲到的票不合法，但有人在票站目擊遲到票倒入了票箱。如果係咁，重新點票都無用，因為分唔到邊啲票係遲到票。」
