日職爆大冷嘅戰果，真係將我嘅水準拉低晒，前鋒咁都開唔到「大」，仲要主場輸埋，嬲！今次將重心擺番去韓國先，南韓足總盃就進入第二回合，首回合和1:1，全北就帶住一個作客入球返去主場，再對多次蔚山現代。同10月尾聯賽爭標大戰嗰場比，今次再對蔚山，戰意一定冇咁濃，事關聯賽一定重要過韓足盃，但我講過追全北追到尾，就一定唔會衰仔嘅。簡單一句，博佢做雙料冠軍，亞洲初盤讓半球，直指全北W。另外相信大家都無心理包袱，特別係蔚山，有波入先有捧盃機會，一定會對攻，再者大家11月尾都將要出戰亞冠盃嘅比賽，預計今次有一定副選球員出場，補埋個「大」啦。
玩完韓足盃，下星期日晏晝就即刻轉乘航班飛返日本，日乙要追一場波，就係我上次畀嘅群馬草津溫泉，將會主場對住長崎成功丸。長崎季初曾經上過一哥地位，家陣都唔差，有第三位，但想升班就一定要繼續搶分。長崎進攻能力極強，夾埋入左47球，對住場場主場死攻嘅群馬草津溫泉，亞洲初盤「大細」做[2/2.5]，唔使諗一定「大」，上一場我有投資有睇場波，真係個波喺門口飛來飛去，大把入波機會。群馬草津溫泉我又贈一句，主場個「大」追到季尾，睇吓大家收入會正增長幾多，如果輸嘅，去我專頁搵我，鬧衰我。
黃耀富
截稿前馬會尚未開盤，盤口僅供參考，讀者記得留意足智彩網頁。