美國總統選舉投票結束，但仍未有結果。有政界中人指特朗普一定不肯服輸、「隨時拖三幾日甚至幾個月」拜登目前有明顯優勢。香港政界甚至官場均當拜登已當選，評估中美、中港政治走向。但有了解美國政治情況政圈中人指，雖然特朗普連任機會低，但仍不要忽略特朗普、共和黨對日後美國對華對港政策的影響，「特別係由𠵱家到明年1月新總統任期，究竟會發生乜事，真係好難講。」
該政界人士指，原則上在交接期間，仍在任總統不會作重大而影響深遠決定，大多留待新上任總統再決定，「但係人都知，特朗普係非一般總統，佢一定唔會跟規矩做」，即使他肯認輸，未來數月他一定不會甚麼也不做，「佢會唔會趁仲有權力，係對華政策有大動作？」國務院根據《香港自治法案》規定，上月向國會提交報告，之後60日內財政部長要列出受制裁中港官員有資金往來的外國金融機構名單，「特朗普即使落台，又會唔會離任前做埋呢樣？」他說即使拜登上台，可以運用權力改變特朗普的決定，「但相信佢唔想畀人話佢一上場就親中，未必敢咁快改變前朝對華對港政策」。
該政界人士又提及，其實共和黨在今次參眾兩院表現甚好，除很大機會保住參議院多數議席，眾議院更有進賬，收窄了民主黨在眾議院多數優勢。
換句話說，即使拜登做了總統，他仍要面對共和黨在參議院阻攔、在眾議院的壓力，「到時共和黨實推更強硬對華對港路線針對拜登，預備四年後拉佢落台」，笑言拜登為求過關，隨時要被迫與共和黨鬥強硬、至少也不敢對華表現得太軟弱，「其實咪同香港鬥黃差不多」。
季陶
周一、三、五刊出