Melinda在美國南加州大學傳媒系畢業後，打了幾年工，2009年嫁給盛智文兒子、現職蘭桂坊行政總裁盛凱（Jonathan Zeman），之後連生四個仔女，愛首飾的想法一直只能放在心中，直到去年才圓夢，決定推出自己珠寶品牌Bouchier，自己設計，請香港金飾師傅製作。「除咗兩歲嗰個，𠵱家啲細路全部full day返學，我時間多咗，加上老公有個好朋友做鑽石，所以就設計一、兩件for fun畀自己戴下，朋友又叫我幫佢哋設計。」
老爺天馬行空的創意及吸金力，成功創立了蘭桂坊王國，亦曾令海洋公園連續10年賺大錢。問到有否給她做生意的貼士？「佢叫我要勤力啲、勤力啲，任何事都要勤力先做得好。佢對我好好，個人好fun，好錫啲孫，成日買嘢食、買玩具吸𠱁啲孫，啲孫最開心係同佢一齊，好似日日去咗海洋公園咁。」
更多精采時尚內容，盡在http://add.appledaily.com。