【本報訊】今次打錯針事件的負責機構香港傳染病預防動力，歸咎員工疏忽，指已即時開除；惟被炒女員工聲稱按上級指示做，不滿被迫「食死貓」，更出示WhatsApp群組對話，指高層曾要求下屬盡快用完備受爭議的賽諾菲疫苗。
被炒員工陳小姐向本報聲稱，為學童注射疫苗當日，無收到上級要改用雅培疫苗的指示，發現打錯針後，上司接見她，指她沒看清楚更新文件而出錯。陳聲言文件寫用賽諾菲疫苗，惟上司駁斥有疑問應提出，她無提出屬疏忽，即時開除。
她向記者展示WhatsApp短訊稱高層曾指令下屬優先使用賽諾菲疫苗，姓李男上司留言：「法國的疫苗有信心的問題，我哋這幾天會盡量先出晒所有 VaxigripTetra（賽諾菲疫苗）。 」上司又教路若有 「議員想打、麻煩客想打」才提供雅培疫苗，更叮囑「千祈唔好比其他市民發現你這個舉動，唔係幾百人都話要嗰隻就真係冇」。
香港傳染病預防動力的負責人李先生解釋，今次是烏龍事件，已緊密聯絡學校和家長跟進。被指因清貨減省損失故意用錯疫苗，他斷言否認並稱：「唔會，賽諾菲我都唔夠貨，點會咁樣，倉內九成貨係雅培。」至於WhatsApp內容，他聲言：「唔知道呢啲係乜嚟，唔需要咁做。」