【本報訊】今日凌晨是國泰倖存員工續約死線。有員工透露，難以接受新合約下薪酬被大幅度降低，不打算簽新約，「寧願畀人裁好過要簽份新約，好似懲罰緊留低嘅人」；亦有員工因經濟原因決定簽新約，「講真個package人工方面係生活唔到，拎住個底薪叫過渡下」。
任職國泰空姐六年的F小姐（化名）表示不打算簽新合約，「𠵱家時薪177蚊，新約時薪減到155蚊，底薪由1.2萬減到一萬元，都諗咗幾日，但接受唔到人工咁減」。
她估計，不簽新約被國泰解僱可獲賠七萬元，「搵過份工好過，可能會讀下護理、做客戶服務，唔想再承受第二次裁員，唔想再同黑心公司打工」。F的丈夫同任職國泰航空，上月亦被裁。
J先生（化名）任國泰空少五年半，「因經濟原因喺上星期三簽咗新約，講真個package人工方面係生活唔到，拎住個底薪叫過渡下」。在新約下，他的時薪由170元降至155元，每月底薪僅萬多元。由於開工不足，他現正兼職客戶服務以維持生計，亦會繼續搵工，隨時逃離「惡晒」社團。