走音甩嘴照騙勁搞笑《造星III》開鑼騎呢當道 花姐直斥「你哋冇資格喺度」

走音甩嘴照騙勁搞笑
《造星III》開鑼騎呢當道 花姐直斥「你哋冇資格喺度」

ViuTV王牌節目《全民造星III》前晚首播,今輯招募已入行藝人參與,更不分男女作賽,表現熱血,但遭不少騎呢參賽者搶鏡,他們大部份不但零知名度,且外形樣貌及才華也相當參差,難怪監製黃慧君(花姐)首集已爆seed狂鬧,更呼籲參賽者退選。83位入圍者先參加前哨戰力爭50個入圍名額,郭偉亮(Eric Kwok)、卓韻芝及鄧建明(Joey Tang)三名評判中兩位或以上給藍燈即可入圍,導師林二汶及彭秀慧從被按兩藍燈的參賽者鬥快搶蟀,至於只得一盞藍燈落入「復活區」的參賽者,只可在50個入圍名額有剩餘才有機會「翻生」。

■花姐繼續發揮有話直說的辛辣本色,於節目中窒爆各參賽者。

【騎呢組】異類百出

節目甫開始播出面試片段,參賽者燕瘦環肥質素參差,大部份皆表演唱歌、演戲及魔術,但不乏走音、甩嘴及超誇的表現,更有女參賽者真人跟相片落差很大;直認P圖「照騙」,又有少女牙黃兼不齊,令人慘不忍睹。及後83位參賽者進行綵排,當中Dilys、彤彤、高晉、Rosie及晴晴表現最差,唱歌走音、舞姿騎呢、相貌平庸及態度懶散樣樣齊,花姐不留情叫他們索性退選:「好失望,你哋浪費緊個節目,甚至覺得你哋冇資格企喺度。」

【雙面偽人】■參賽者晴晴被花姐當眾揭破是專搞是非新聞的「雙面人」,鏡頭前扮委屈,鏡頭後卻不知羞恥。

參賽者晴晴

其中現年29歲、自稱入行11年的晴晴更被花姐當眾揭破是「雙面人」,她怒斥:「我擔心會唔會打擊到你哋,但我見你(指晴晴)好開心咁做訪問!」晴晴聞言即露喊樣,花姐即說:「你唔好畀呢個表情我睇,幾部機一剪埋就知你係乜嘢人。」晴晴受訪時坦言無論正面或負面,只要見報就可以,花姐再斥她:「你覺得唔使有實力,有新聞就OK,所以不停係咁造,《全民造星》啲參賽者係好努力。」晴晴臉容扭曲狂喊大騷委屈,但翻查資料她曾因偷手機被定罪,又疑似叫男fans當街求婚造新聞,加上超深雙眼皮及超直鼻子極不自然,形象的確甚差。

【「照騙」穿煲】■有真人跟照片判若兩人的參賽者。

【黃牙亮相】■有參賽者露出一口不齊整的泛黃牙齒!

【怪舞難頂】■不論舞功及唱腔均差得令人吃驚的參賽者高晉,態度更無誠意。

【演唱扮死】■彤彤又唱歌又演戲,但花姐明言跟她「冇偈傾」。

【藝人組】預受鞭撻

今輯《造星III》打正旗號招募已入行藝人參加,但大部份其實是素人,不過亦有少數有知名度,當中有現年40歲的E-Kids成員Alan、分別29歲及26歲女子組合Bingo成員Odi及卡文、35歲的歌手葉巧琳、早前參演電影《麥路人》26歲的顧定軒、26歲歌手Judas及25歲女子組合As One成員陳葦璇,面試時花姐已給予他們心理準備要面對外界嘲笑及壓力,更可能因此被fans離棄。節目尾聲播出前哨戰,卡文被抽中成為首個出場表演,她又rap又唱一曲《我的新衣》,表現尚算淡定,結果獲給兩盞藍燈,順利入圍。

■Bingo成員卡文前晚憑勁歌熱舞,率先入圍50強。

■葉巧琳面試時,花姐已幫她打定底或要面對外界嘲笑。

■E-Kids的40歲成員Alan為眾參賽者中年紀最大。