【姐匙Talk】FF難忍阿齋濫交斷來往

娛樂圈嘅男女關係，有時真係好錯綜複雜，好似「阿齋」咁，平時因為靠把口搵食，又識得講嘢，成日將老婆掛喺口邊，成功塑造好好丈夫形象，唔係俾人影到佢偷食，真係唔知呢個表面勁純品嘅人夫，私生活可以淫亂到咁。

每月相約爆房

阿齋平時交友好廣闊，除咗藝人朋友，佢同好多網紅都好熟，開始時係喺網上傾得投契，慢慢就會約出嚟談心，更甚者仲會爆房。由於阿齋都係靚仔一名，而且把口𠺘過油，所以好多女都會落叠。唔講唔知，FF原來亦係佢炮友之一，FF不但樣靚身材正，而且仲係女強人，喺網上人氣高企，賺錢能力都唔嘢少，平時見佢經常喺社交平台晒親子互動，仲以為佢係賢妻良母，殊不知佢私底下有咁野性一面。

FF經常喺網派福利，不時晒身材，又難怪阿齋色心起，據聞佢兩個撻着一年，以往每個月都會爆房一次，不過阿齋出事之後，FF同佢就斷絕來往，除咗因為風頭火勢外，FF都忍受唔到阿齋咁濫交，驚佢會傳染性病畀自己，咁到時點同老公交代。

撰文：Jessie

本欄逢周三刊出

姐匙Talk

我姐匙縱橫歌影視幕後，多年嚟冷眼旁觀，娛樂圈大小事都走唔過我雙眼，歡迎大家嚟剝花生。