劉舜文為德甲專家，他同時又是英超官方領隊遊戲《Fantasy Premier League》（下稱Fantasy）的資深高手，16/17球季排名高達全球121名。問他今季心得，他明言「今季特別難玩」，建議玩家不用心急，待季中訂下「小歇冬」賽程後才運用錦囊。
劉舜文直指今季Fantasy難度特高，「成個聯賽強隊嚟講冇平嘅球員，好似上季突然間格連活特爆出嚟，成隊波就易砌好多，今季暫時未見到有超平價、爆發力好強嘅球員，所以好考眼光同膽識。」今季歐洲賽賽程緊湊，他建議玩家排陣以英超必然正選如穆罕默德沙拿及哈利卡尼作膽，曼城及車路士的球員他則有保留，「你真係要費一番心機先估到個陣容，尤其係曼城，你都唔知哥迪奧拿諗緊乜嘢。」
今季英超入球極多，他指玩家宜把資金投資於中前場上，習慣起用「升班馬」球員的他特別推薦以列斯聯眾將配搭，「佢哋踢啲波積極好有血性，而且好多球員都好平。」另一升班馬富咸戰績平平，他上周購入其中場盧卡文（小圖），此子對錫菲聯一役曾得10分，雖然僅獲0.5%玩家挑選，但劉舜文依然認為他值得一博，「佢先五蚊，我見佢踢法幾有侵略性，同埋好多射門都係近距離，玩Fantasy唔好睇射門次數，仲要睇佢射門距離同埋質素。」
另外，劉舜文認為錦囊下半季「睇定啲先用」，至於Wildcard則臨近季中落實「小歇冬」賽程才用，「去到18、19周嘅時候每一隊波都有個小歇冬，某幾隊波到時可能突然間會休賽一周，另一周又會double，所以盡量貼近個deadline先好用。」