由消委會、記協同攝記協籌辦嘅第20屆消費權益新聞報道獎，噚日舉行頒獎典禮。今屆共有20幾組獲獎報道，《蘋果》報道亦獲肯定，財經組關於英國投資移民陷阱嘅專題系列報道，勇奪文字組（新聞/評論/特寫）優異獎。
八方同得獎同事吳美茸（Wendy）傾過，佢話社會事件之後，越嚟越多網上、無實體嘅移民顧問公司出現，移民計劃越嚟越奇怪，有啲公司好可能睇中港人移民心切趁火打劫，籲消費者揀顧問前三思。主要做海外移民報道嘅Wendy，見證近年港人移民心態急速變化，但相信港人對香港一定有感情，若非逼到埋身都唔會萌生去意，「如果留低，可能更擔驚受怕」。八方恭賀得獎同事，希望日後發掘更多優質報道。
李八方