72歲老戲骨秦煌前日返將軍澳電視城為劇集宣傳，卻在電視城門口跌倒地上，未能自行站起身，要在場四名保安人員扶起，並需召救護車送入醫院，入院後秦煌曾表示：「膊頭骨裂咗，要施手術。」
秦煌昨日接受傳媒訪問時語調輕鬆說：「冇乜事啦，係舉起右手就痛，醫生話唔使做手術，等自己生返埋，要做個手托托住，暫時未出得院住，因為未做好個托，做好個托都仲要等，要等醫生畀你出院至出得㗎！」雖然現時醫院不能探病，但秦煌表示：「仔女都有嚟買嘢畀我食。」問到醫生有沒有叫他戒口？秦煌說：「冇喎，醫生都話唔使戒口。」他指自己有少許糖尿問題，至於疫情下留院可會擔心？秦煌說：「唔使擔心，呢度防疫工夫做得好好。」