羅家聰偏向相信兩名候選人支持度非常接近，兩人當選機會均等，「勝負可能要取決於隨機因素」，指民調及賭盤雖偏向拜登勝選，但他反而認為大數據分析更具參考價值，「而且美國選民取向基本上已大致確定，除非出現暗殺，或更重大事件才會影響選情」。由於大選結果勝負差距輕微，運氣成份成不可或缺的考慮因素，「例如天氣、郵寄選票遺失多少都會左右結果」。
劉細良認為，雖然根據上屆較準確預測選舉結果的拉斯穆森民調，特朗普與拜登在搖擺州分支持率仍有一至兩個百分點差距，但他覺得雙方仍是五五波之爭，「我自己估計，民主黨支持者比較願意講支持邊個，但共和黨支持者比較唔願意表達，而調查顯示八成幾共和黨支持者比較願意投返Trump，但民主黨支持者願投畀拜登的得七成幾；民主黨嘅黨派票能否全面轉移去拜登好關鍵，另一樣就要睇黑人投票意向」； 加上亨特拜登醜聞影響很多民主黨支持者，特朗普支持度卻一路上升，「我覺得係五五波，因為Trump個勢係一路上緊，而我係支持Donald Trump嘅」。
林卓廷坦言「真係唔識講邊個會贏」，「一嚟外國選舉，香港人都係靠傳媒先得知選情，而且美國個選舉制度好複雜，每個州嘅選舉人票都唔同」，但他相信特朗普支持度一定不會如民調所言般低，「因為就好似香港，有啲政黨支持者都唔肯講佢哋支持邊個黨一樣，所以投起票嚟，佢同拜登嘅支持度差距會拉得好近」。林卓廷認為特朗普能否成功連任，關鍵在於搖擺州分勝負，「最重要都係睇搖擺州分究竟可唔可以係共和黨攞返，扭轉到形勢」。
