韓職曲終人散，憑我神一般嘅預測，fu dragon嘅大名係韓職吸金能力大增，但日本市場始終更吸引，星期二仲整幾場早場，真係要更加留神！
第一場，繼FC橫濱有三浦知良（圖）、中村俊輔等老將，另一隊話題球隊，當然係川崎前鋒，點解？因為佢哋有位「one life one club」嘅中村憲剛，上一場40歲嘅中村，為川崎射入FC東京嘅一球，賽後佢老哥都宣佈踢埋今季退休，好似韓職全北汽車個老鬼李東國咁，41歲仲入到波，你估佢班隊友驚唔驚，當然爭氣波，其他球員搏表演，至少拎番個聯賽冠軍，今場一定會屠殺北海道札幌岡薩多去證明，亞冠盃始終都嚟緊，川崎多人到我都唔識用邊個，輪換都一樣強，上盤加大，實食冇黐牙。
另一場日乙，講吓草津溫泉群馬，呢隊波大家得閒睇吓，佢哋有個50號嘅前鋒叫大前元紀，好、好、好、好、好波，但亦都好奇怪，身材都幾肥，以佢為首嘅群馬，有佢踢嘅時候真係一味得個攻字，不過真係好好睇，星期三日乙有11場波，我都淨係留意群馬作客山口雷法呢場護級戰，只要有大前落場，有前冇後打死罷就嘅踢法，我一定用個大字去陪住大前元紀，直至送到榜尾。
文：黃耀富
截稿前馬會尚未開盤，盤口僅供參考，讀者記得留意足智彩網頁。