因為武肺疫情關係幾乎周中都一定有比賽，幾乎日日有大波賭。不過一周雙賽，對兵力唔係好強嘅主流聯賽二線兵，負荷都好大，難免需要揀波踢，今次就揀三場呢個情況嘅球隊對家，冷W分頭都唔錯。
首先周二薩克達（圖）主場對慕遜加柏，兩隊都喺歐聯B組不敗，薩克達最驚人就係作客贏皇馬，爆13倍客W，之後再主場和國際，死亡之組出線都幾樂觀。薩克達本身係烏克蘭都算超班，上周聯賽輕鬆主場贏4:1，保持今季聯賽同歐聯主場不敗，連續四場主場作賽，亦都極之有利。相反慕遜加柏連和國際同皇馬，累積失四球，後防都唔算太穩，上周聯賽惡鬥德甲前列對手RB萊比錫，以1:0險勝，消耗一定多。睇番海外賠率，薩克達W係2.9倍，慕遜W係2.3倍，足智彩賠率薩克達W有2.85倍，慕遜W就2.12倍，似乎薩克達W較為貼水，而且呢場波足智彩唔開「讓球」盤，焗人買抽水較高嘅「讓球主客和」「主勝」，一般呢個情況都係開下盤居多，求賠率揀薩軍W。
周三揀另一支東歐兵，俄超辛尼特主場對意甲嘅拉素，辛尼特F組連輸兩場，已經冇退路，主場一定搏命，拉素上場惡鬥拖連奴，以4:3反勝，固然精采，但消耗就一定大，今場輸波有咩出奇。星期四歐霸揀場再冷啲W，列積卡主場對拿玻里，拿玻里今季極之反覆，上仗主場都不敵薩斯索羅，海外盤列積卡W有8.5倍，足智彩就未開，不過都至少有七倍幾分頭，大家不妨少敲。
文：Goal進
截稿前馬會尚未開盤，盤口僅供參考，讀者記得留意足智彩網頁。