桑普直言自己是少數認為特朗普會勝出的評論員，「首先，很多民調顯示拜登會勝出，但這些民意調查四年前曾犯的錯，這些民查未有統計不表態選民。他們佔很大比例，很多不表態選民，其實都是四年前投了給特朗普，今時今日不表態的選民，照樣不計在調查內，結果會是特朗普會勝出」。他參考近日的拉斯穆森民調，特朗普以48%贏拜登47%；statespoll.com以選舉人票計算，最後特朗普會贏312張選舉人票，而拜登只得216張，「我對特朗普選情是樂觀，不只是小勝，還可能會是大勝」。
黎智英認為特朗普有機會以壓倒性勝利連任。因為他有履行其競選承諾，「多數政治人物呢，講咗就算㗎啦，但係特朗普2016年競選嘅承諾，佢都可以做到，美國人係心知肚明。Trump抵制中國貿易違規行為，保障美國企業生存；撤銷管制規條，刺激美國頁岩油企業空前蓬勃、減稅吸引海外企業回歸投資」。此外，特朗普在其他政策上亦有成果，「特朗普亦促進咗中東地區和平；委任咗300幾名聯邦法院法官和三名最高法院法官，保守派法官將左傾激進司法回歸保守；沿住墨西哥邊境起高牆，制止非法移民湧入美國」。不過黎智英也承認，疫情對特朗普「好傷」，「疫情好短暫，反而經濟、就業機會影響比較長遠」；他又認為民調「信唔過㗎」，「無論Trump點乞人憎都好，起碼佢做到嘢出來」。
袁弓夷對特朗普選情樂觀，「Trump個選舉情況係非常之熱情，Biden個選舉情況係非常之冷淡，當你有咁熱情，額外嗰一、二千萬選民就好明顯係支持Trump；Biden咁人疏疏，個（造勢）會都唔去，仲會投票畀你？冇可能喇」，他更直言「唔好問我Biden贏唔贏」，形容是「我都費事答你」，更預測特朗普大勝，共和黨更全面控制參眾兩院，「除要選Trump（的人），差唔多大部份都係剔埋共和黨（參選人）。我大膽估共和黨會連中三元，總統贏、參議院贏、眾議院贏」。
吳明德認為特朗普連任機會高達99%，因美國主流傳媒根本沒有真實反映民間支持他的聲勢，「我問過住喺美國東西岸嘅朋友，對方形容支持特朗普嘅旗海同聲勢都比拜登高好多，特朗普亦都馬不停蹄去到各州拉票，表現較拜登積極」。他指自己觀察選舉30幾年，「未見過好似拜登咁氣勢薄弱嘅候選人最終可以獲勝」，又質疑美國一班左翼媒體不斷為拜登能勝選製造輿論，令民調準確度成疑。
曾志豪預測特朗普會勝出，「因為佢喺主要嘅民調，同埋大部份嘅主流傳媒之中，都係被封殺地睇低，正宗係一隻Underdog，想睇吓佢喺咁嘅情況之下，會唔會有機會再贏一次，都係畀香港人一個機會試吓贏一次，所以侵侵，睇吓你呢次有冇奇蹟（出現）喇！」
