雪妮宣佈息影：老人家應該退後

秦煌昨日到電視城為劇集宣傳，惟身體不適跌倒入院。原來同劇的資深女藝人雪妮，坐車返公司時剛好見到，她說：「見佢挨喺地下度，我問佢乜事，佢話冇，可能冇食早餐，個人有少少暈暈哋，企唔穩就挨低咗。」提到秦煌當時未能自行企起身，雪妮說：「佢平時坐都要慢慢起身，好慢好慢，好似話隻手有少少唔舒服。」

■雪妮昨日在記者會上宣佈已約滿無綫，之後正式退休。

早前有報道指現年75歲的雪妮約滿離巢，昨日雪妮坦承已於2月約滿，在4月6日已拍完所有劇正式離巢，更坦言今次想真正休息，不再復出。她指已經年紀大，很擔心力有不逮，萬一要半夜拍劇，又或者遇到很多對白，自己會心慌，又擔心記不到對白連累對手，而且雪妮認為身體健康很緊要，怕自己賺的錢都不夠看醫生，她更明言：「我退出咗，都係年輕人嘅世界，我哋呢啲老人家應該退後。」

■有份演出的秦煌入院，張曦雯和王浩信昨日落力為劇集宣傳。

■昨日蔡思貝、張振朗受訪時，都表示擔心秦煌的身體狀況。