本土電影《理大圍城》和《地厚天高》前晚於灣仔藝術中心舉行放映兼分享會，出席的演員王宗堯慶幸主演另一社會題材電影《夜香.鴛鴦.深水埗》能排期在戲院播放，下周將舉行優先場，他說：「都想有戲畀觀眾睇，無論乜嘢題材同訊息都想畀人睇到。」但他坦承因當中有紀錄片環節，曾提及深水埗區議員選舉的故事和自己關係令審批需時，因此刪減他的戲份。
至於《地厚天高》發行人的崔允信，談到紀錄片《佔領立法會》及《理大圍城》未能排期上映，他表示仍相信有日能在正規院線上映：「我哋啲戲係合法、拍嘅人同睇嘅人都係合法，唔似得以前中國要走去地下放映，𠵱家係院線要考慮，但我哋會堅持。」