【本報訊】「無論你搵工好、創業好，其實個世界好大，同我哋飛一樣，好多方向都可以去發展！」有被裁國泰空少開設Telegram群組，召集同一命運的同事欲發展「空服經濟圈」，打算籌辦實體市集，讓被裁員工推廣自家產品，實行助人自助，短短數日已收到約70個申請，亦有餐廳雪中送炭，願意免費提供場地舉辦市集。
加入國泰五年半、一年前剛升任艙務長的空少Jacky不幸被解僱，「其實本身真係好鍾意呢份工，諗過可唔可以做一世，因為真係太鍾意個lifestyle（生活模式）」。Jacky自言，收到電郵通知時起初十分愕然，同時亦鬆了一口氣，「咁有個完結，都好過不斷磨落去」。
Jacky眼見其他被裁同事徬徨，想出一分力幫人，「我知好多同事都真係要養妻活兒、要供樓、有父母要供養呀，咁我希望可以幫到佢哋。」裁員當日，Jacky馬上在Telegram開設群組，得悉不少同事有經營副業，想為他們提供一個宣傳渠道，群組內討論氣氛十分正面，不少人分享自家開設的網絡店舖，互相追蹤及推廣，「真係一個被炒員工嘅互相支持區」。
他與舊同事籌辦實體市集，讓他們擺賣自家產品，盼能發展「空服經濟圈」，「推廣多啲，等多啲人知道佢哋（被裁員工）做緊小生意，可以有多啲收入」。短短數日內，Jacky已收到約70個申請，又有餐廳因「好想支持航空業」願意免費提供場地，可容納約30個檔位，希望本月初舉辦一連兩日的周末市集。